.

ς':1 Και ειδον οτε ηνοιξεν το αρνίον μίαν εκ των επτα σφραγίδων, και ηκουσα ενος εκ των τεσσάρων ζώων λέγοντος ως φωνη βροντης, Ερχου. 2 και ειδον, και ιδου ιππος λευκός, και ο καθήμενος επ' αυτον εχων τόξον, και εδόθη αυτω στέφανος, και εξηλθεν νικων και ινα νικήση. 3 Και οτε ηνοιξεν την σφραγιδα την δευτέραν, ηκουσα του δευτέρου ζώου λέγοντος, Ερχου. 4 και εξηλθεν αλλος ιππος πυρρός, και τω καθημένω επ' αυτον εδόθη αυτω λαβειν την ειρήνην εκ της γης και ινα αλλήλους σφάξουσιν, και εδόθη αυτω μάχαιρα μεγάλη. 5 Και οτε ηνοιξεν την σφραγιδα την τρίτην, ηκουσα του τρίτου ζώου λέγοντος, Ερχου. και ειδον, και ιδου ιππος μέλας, και ο καθήμενος επ' αυτον εχων ζυγον εν τη χειρι αυτου. 6 και ηκουσα ως φωνην εν μέσω των τεσσάρων ζώων λέγουσαν, Χοινιξ σίτου δηναρίου, και τρεις χοίνικες κριθων δηναρίου. και το ελαιον και τον οινον μη αδικήσης. 7 Και οτε ηνοιξεν την σφραγιδα την τετάρτην, ηκουσα φωνην του τετάρτου ζώου λέγοντος, Ερχου. 8 και ειδον, και ιδου ιππος χλωρός, και ο καθήμενος επάνω αυτου ονομα αυτω ο Θάνατος, και ο αδης ηκολούθει μετ' αυτου. και εδόθη αυτοις εξουσία επι το τέταρτον της γης, αποκτειναι εν ρομφαία και εν λιμω και εν θανάτω και υπο των θηρίων της γης. 9 Και οτε ηνοιξεν την πέμπτην σφραγιδα, ειδον υποκάτω του θυσιαστηρίου τας ψυχας των εσφαγμένων δια τον λόγον του θεου και δια την μαρτυρίαν ην ειχον. 10 και εκραξαν φωνη μεγάλη λέγοντες, Εως πότε, ο δεσπότης ο αγιος και αληθινός, ου κρίνεις και εκδικεις το αιμα ημων εκ των κατοικούντων επι της γης; 11 και εδόθη αυτοις εκάστω στολη λευκή, και ερρέθη αυτοις ινα αναπαύσονται ετι χρόνον μικρόν, εως πληρωθωσιν και οι σύνδουλοι αυτων και οι αδελφοι αυτων οι μέλλοντες αποκτέννεσθαι ως και αυτοί. 12 Και ειδον οτε ηνοιξεν την σφραγιδα την εκτην, και σεισμος μέγας εγένετο, και ο ηλιος εγένετο μέλας ως σάκκος τρίχινος, και η σελήνη ολη εγένετο ως αιμα, 13 και οι αστέρες του ουρανου επεσαν εις την γην, ως συκη βάλλει τους ολύνθους αυτης υπο ανέμου μεγάλου σειομένη, 14 και ο ουρανος απεχωρίσθη ως βιβλίον ελισσόμενον, και παν ορος και νησος εκ των τόπων αυτων εκινήθησαν. 15 και οι βασιλεις της γης και οι μεγιστανες και οι χιλίαρχοι και οι πλούσιοι και οι ισχυροι και πας δουλος και ελεύθερος εκρυψαν εαυτους εις τα σπήλαια και εις τας πέτρας των ορέων. 16 και λέγουσιν τοις ορεσιν και ταις πέτραις, Πέσετε εφ' ημας και κρύψατε ημας απο προσώπου του καθημένου επι του θρόνου και απο της οργης του αρνίου, 17 οτι ηλθεν η ημέρα η μεγάλη της οργης αυτων, και τίς δύναται σταθηναι;